2008-2012 оны УИХ-ын бүрэн эрхийн хугацааны сүүлчийн чуулган нээлтээ хийлээ. Чуулганы үйл ажиллагааг нээж, УИХ-ын дарга Д.Дэмбэрэл үг хэлсэн юм. Тэрбээр энэ удаагийн чуулган “Монгол Улсын хөгжил дэвшилийг дээшлүүлж, эрх зүйн болон санхүүгийн боломж нэмэгдүүлэх ажилласан энэ бол Хамтарсан Засгийн газар байгуулсны үр дүн юм. Үүний хүрээнд цалингийн тэтгэвэр тэтгэмжийн хэмжээг нэмэгдүүлж, 160 мянга гаруй ахмад настны тэтгэврийн зөрүүг арилгаж, хоёр намын амлалтын 1.5 сая төгрөгийг иргэдэд олгосон, их дээд сургуулийн оюутнууд 70 мянган төгрөгийг тэтгэлэг авдаг боллоо. Улсын мөнгө санхүүгийн бодлого дээр хянуур арга хэмжээ авч эдийн засгийн халалтаас сэргийлж ирсэн гэдгийг Олон улсын валютын сан болон бусад байгууллагууд илэрхийлдэг. Энэ мэт ирээдүйн үр дүн их юм. УИХ 2010-2012 онд 19040 иргэнийг хүлээн авч гомдол саналыг нь сонссон байна. Иргэд цалин тэтгэвэр нэмлээ гэж нааш харж инээж, цааш харж уйлж байна. Өндөр өртөгтэй бараа бүтээгдэхүүний үнэ ард түмнийг ийм байдалд хүргэж байгаа. Энэ байдал нэг хэсэг команиудад давуу байдал бий болгосон. Бизнесийн энэ их заль мэх эрээ цээрээ алдлаа. Махны нийлүүлэлт, хомсдолоос үүдэн монгол хүний сэтгэлд багтамгүй өндөрт өсөж байна. Энэ бүхнийг дампуурал гэхээс өөр хэлэх үг алга. Иймэрхүү үйл ажиллагааг таслан зогсоох ёстой” гэх мэтээр 2008-2012 оны чуулганы хугацаанд УИХ-аас батлан гаргасан хууль тогтоомжуудаас онцлох хуулийн төслүүд болон өнөөийн улс орны эдийн засгийн байдлыг тоймлон УИХ-ын индэр дээрээс хүргэсэн юм. Ингээд эцэст нь УИХ-ын хаврын чуулган нээж байгааг зарлалаа. УИХ-ын нэгдсэн чуулганы хуралдаан үдээс хойш 15.00 цагт үргэлжилнэ. Гэрэл зургийг Н.Ариунаа