Хадгаламж зээлийн хоршооны  хохирогчдын түр хорооны ерөнхий зохицуулагч Х.Оюунцэцэг, тус хорооны удирдах зөвлөлийн гишүүн н.Нямдорж, н.Дашдорж, н.Дашдаваа нар  өнөөдөр  хэвлэлийн бага хурал хийлээ. Тэд Хадгаламж зээлийн хоршооны хохирогчдын хохирлыг барагдуулах ёстой байсан хөрөнгийг ШШГЕГ, цагдаа, шүүхийн хүмүүс завшиж идсэн талаархи мэдээллийг өгчээ. Тухайлбал, нэгдүгээр хороололд байрлалтай “Глоб центр” буюу баар, ресторантай дөрвөн давхар зочид буудлыг 1532 ширхэг,  дагалдах эд хөрөнгийн хамт 1.574.000.000 төгрөгөөр зарсан аж.  Бүр задалбал, шийдвэр гүйцэтгэгч шинжээч 1.272.900.000 төгрөгөөр “Глоб центр”-ийн барилгыг үнэлсэн бол 1532 ширхэг дагалдах эд хөрөнгийг нь 267.544.660 төгрөгөөр борлуулахаар тогтсон байна. Ингээд нийтдээ нэг тэрбум 572 сая 704 мянган төгрөгөөр үнэлэгдсэн “Глоб центр” албадан дуудлага худалдаанд ирээд нэг тэрбум 574 сая төгрөгөөр зарагдсан аж. Нэг ёсондоо өр барагдуулах ажлын алба хоёр сая төгрөгийг нэмж зарсан гэх мэтийн баримт бий гэл ээ. Н.Бүжин