Монгол улсад мэргэжлийн дуу хөгжмийн багш бэлтгэж эхэлсэний 50 жилийн ойд зориулсан хүндэтгэлийн концерт болно. Тус концертод Багшийн сургуулийн хөгжмийн салбараас төрөн гарсан үе үеийн шилдэг хөгжмийн зохиолчид уран бүтээлийн дээжсээ өргөн барих аж. Төрийн шагналт,Урлагийн гавьяат зүтгэлтэн Н.Жанцанноров, Б.Шарав, Х.Билэгжаргал, Ц.Чинзориг, Ц.Нацагдорж,Ч.Сангидорж нараас эхлэн эдүгээ Монголын урлагт өнгөлж яваа авьяаслаг хөгжмийн зохиолчдын шилдэг дуу, хөгжмийн бүтээлүүд тайзнаа эгшиглэнэ.