Манай сайт У.Цэвэгмид эмчийн зөвлөгөөг хүргэж байгаа билээ. Уртнасангийн Цэвэгмид, АУ-ны доктор, ЭХЭМҮТ-н Хүүхдийн хүлээн авах Яаралтай тусламжийн тасгийн эрхлэгч юм. Өчигдөр У.Цэвэгмид эмч төвөнхийн үрэвслийн өвчний талаар зөвлөгөө хүргэсэн бөгөөд үүний дор уншигчдын үлдээсэн сэтгэгдэлд хариу мэдээлэл хүргэж байна.
Төвөнхийн үрэвслийн улмаас амьсгалын дээд зам бөглөрөх бөгөөд хүндэрвэл амь насанд халтай байдал үүсдэг. Бага насны хүүхдэд хүндрэх хандлагатай. Ихэвчлэн вирүсын гаралтай үүсдэг.
Илрүүлэх шинжүүд:
Хөнгөн явцтай төвөнхийн бачуурал:
- Халуурах
- Дуу сөөх
- “Хуцуулж” буюу сөөнгөтөж ханиах
- Тайван бус үед хяхтнаж амьсгална
Хүнд явцтай төвөнхийн бачуурал:
- Тайван үед хяхтнаж амьсгална
- Амьсгал олшрох болон цээж хонхолзоно
Авах арга хэмжээ:
- Хүүхдийг аль болох тайван байлга
- Хүүхэд 390С-ээс дээш халуунтай байвал парацетамол хүүхдийн тунгаар өг
- Хүүхдээ хөхүүлж, шингэн сайн уулга. Судсаар шингэн сэлбэхээс зайлсхий.
- Хооллох чадвартай болмогц ердийн хоолоор хоолло
Хөнгөн явцтай үед нь амаар бүлээн шингэн сайн уулгах, хөхүүлэх буюу сайтар хооллох зэрэг дэмжих эмчилгээг гэрээр хийнэ.
Хүнд явцтай үед эмнэлэгт яаралтай хандана.
СЭТГЭГДЭЛ БИЧИХ