УИХ-ын 2008 оны сонгуулийн дараахи үймээнээр дөрвөн хүн галт зэвсэгт өртөж амь үрэгдсэн хэрэгт тухайн үеийн цагдаагийн удирдлагууд болох хошууч, генерал Ч.Амарболд нарыг буруутган  хуулийн байгууллагаас шалгаж яллах дүгнэлт үйлдэж хэргийг нь шүүх рүү шилжүүлсэн юм.  Эл хэргийн  шүүх хурал энэ сарын 16-ны өдөр Цагдан хорих төвд товлогдсон. Эх сурвалжийн мэдээллээр  өнөөдрийн байдлаар шүүгдэгч нар өмгөөлөгч аваагүй бөгөөд хохирогч нар ч шүүх хурлын талаар мэдээлэлгүй байна.  Өмнө нь товлогдсон шүүх хурлын үеэр Ч.Амарболд генералын өмгөөлөгч О.Алтангэрэл  нарын дөрвөн өмгөөлөгч “Үйлчлүүлэгчээ өмгөөлөхгүй болсноо”  албан ёсоор мэдэгдсэн. Түүнээс хойш шүүгдэгч нар өнөөдрийг хүртэл өмгөөлөгч аваагүй юм.   Н.Бүжин