УИХ-ын нэгдсэн чуулганы  хуралдаанаар Төсвийн тухай, Монгол Улсын нэгдсэн төсвийн тухай хуулийг хүчингүй болсонд тооцох тухай, Төсвийн байгууллагын удирдлага, санхүүжилтийн тухай хуулийг хүчингүй болсонд тооцох тухай, Засгийн газрын тусгай сангийн тухай хуульд өөрчлөлт оруулах тухайхуулийн төслийн үдээс өмнөх хэлэлцүүлгийг үргэлжлүүлсэн юм. Энэ үеэр, эдгээр багц төслүүдтэй холбоотойгоор Төсвийн байнгын хорооноос дэмжлэг хүлээсэн болон зарчмын зөрүүтэй саналын томьёоллоор гишүүд санал хураалгасан юм. УИХ-ын дарга Д.Дэмбэрэл, нэгбүрчлэн уншиж, санал хураах ажлыг удирдан явуулсан. Мөн гишүүдийг үдээс хойшхи хуралдаанд идэвхтэй оролцохыг үүрэг болгосны дагуу гишүүд нэлээд тэвчээртэй суусан юм. Нийт 100 санал сонсч санал хураахад тэвчээртэй хуралд оролцсон гишүүдэд спикер талархаж байгаагаа хэлж байлаа.