АТГ-аас Сүхбаатар аймгийн удирдлагуудыг авлигын хэргээр шалгаж, саатуулсан байгаа билээ. Тэгвэл тэдний хэрэгт тухайн аймгаас их хуралд сонгогдсон нэр бүхий гишүүдийг бас холбогдуулан шалгаж байгаа талаар мэдээлсэн юм.

Тэгвэл Ж.Батсуурь гишүүнийг шалгаж байгаа эсэх талаар өөрөөс нь тодруулахад "Өнгөрсөн 7 хоногт орон нутагт томилолтоор явж байхад Сүхбаатар аймгийн удирдлагуудыг шалгалаа гэсэн цочир маягийн мэдээ явсан. Гэхдээ энэ мэдээлэл хол явсангүй. Энэ бол шинэ юм биш. Өнгөрсөн 2012 онд бас ийм юм болж байсан. Мөн 2016 онд яг ийм үйлдэл болж байсан, 2020 онд бүр сүрхий юм болсон. 2024 онд дахиад л ийм юм гаргалаа. Монгол орон хуультай орон. Хууль зөрчсөн бол хэн ч бай Ардын намынх ч бай, Ардчилсан намынх ч бай асуудлаа хуулийн дагуу шийдвэрлүүлнэ. Улстөрчдийн нэрийг хавчуулах гэсэн үйлдэл. Тэнд буруу зүйл байхгүй, намайг шалгасан зүйл байхгүй.

Аймгийн Засаг дарга Идэрбатын захирамжид хүнд шинээр өгсөн газар нэг мерт кв газар ч байхгүй. Өөрийнхөө газар дээр орон сууц бариад нийтийн эзэмшлийн газар руу шилжүүлэх жилийн буюу 2 жилийн 36 мянган төгрөг төлөөгүй байхад хоёр хуваалаа гэсэн асуудал үүссэн юм билээ. Бүх юм цаг хугацаатай учраас бид ямар нэгэн тайлбар өгөхгүй. Сонгууль угтсан ээлжит дэглэсэн жүжиг. Бүгдийг цаг хугацаа харуулна" гэлээ.