Энэ онд 80 жилийн ой нь тохиож буй УДЭТ-ын 2011 оны анхны шинэ уран бүтээлийн салхийг хагалж байсан “Домогт Ану хатан” түүхэн жүжиг кино болохоор уран бүтээлчдийн баг нь ажилдаа оржээ. “Ану хатан” түүхэн уран сайхны киноны Ану хатны дүрд “Voice of Mongolia” хамтлагийн дуучин Д.Отгонжаргал шалгарчээ. Зохиолч Б.Шүүдэрцэцэгийн романаас сэдэвлэн бүтээх энэ киноны Галдан бошгит хааны дүрд УДЭТ-ын жүжигчин Ц.Цэрэнболд болон залуу жүжигчин Мөнхбат нар тоглох гэнэ. Ц.Цэрэнболд “Домогт Ану хатан” жүжгийн Галдан хааны дүрийг бүтээж байснаас гадна удахгүй дэлгэцэнд шилжих “Аравт”, “Наймдугаар Богд” зэрэг кинонуудад тоглосон авьяаслаг жүжигчин юм. Д.Отгонжаргалын хувьд хэдий жүжигчин биш ч “Хязгааргүй” дуулалт жүжгийн гол дүрээр 2010 оны “Гэгээн Муза” шагнал хүртсэн билээ.
Уншиж байна |