Увс аймгийн Улаангом сумын иргэн Д нь /30 настай, эмэгтэй/  аймгийн Нэгдсэн эмнэлгийн Халдвартын тасагт 6 сартай хүүгээ эмчлүүлж байгаад энэ сарын 29-ний 12:00 цагийн орчим хүүгээ орхиод алга болжээ.

Тус аймгийн Цагдаагийн газраас эрэл зохион байгуулж, түүнийг энэ сарын 29-30-ны өдрүүдэд хайсан боловч олоогүй аж.

Сураггүй болсон иргэнийг олоогүй тухай дуудлагыг энэ сарын 31-ний өдөр аймгийн Онцгой байдлын газар ирүүлсэн байна. Одоогоор иргэн Д-г хайх ажиллагаа үргэлжилж буй юм байна.