УИХ дахь АН-ын бүлгийн хуралдаан өндөрлөлөө. Бүлгийн хуралдаанд Монгол Улсын Ерөнхий сайд Ч.Сайханбилэг оролцсон байна. Хуралдаанаар Засгийн газрын сайд нарыг томилох, Өршөөлийн хуульд Ерөнхийлөгчийн тавьсан хоригийг дэмжих эсэх асуудлаар нэгдсэн байр суурьт хүрчээ. Бүлгийн дарга Б.Гарамгайбаатар:

-АН-ын бүлэг хуралдаж, Засгийн газрын гишүүнээр томилогдох сайд  нарыг дэмжих нэгдсэн байр суурьт хүрлээ. Ерөнхий сайд бүрэн эрхийнхээ хүрээнд сайд нарын нэрийг өргөн барьсан. Мөн Өршөөлийн хуульд Ерөнхийлөгчийн тавьсан хоригийн асуудлаар нухацтай хэлэлцээд  хүлээж авахаар болсон гэлээ. Тэрбээр мэдээлэл хийснийхээ дараа сэтгүүлчдийн сонирхсон асуултад хариулав.

-УИХ-ын ээлжит бус чуулганыг хууль бус боллоо гэж МАН-ын бүлэг үзэж байна.Энэ талаар?

-Ээлжит бус чуулганыг зарлах тухайгаа УИХ-ын дарга гадаад явахынхаа өмнө мэдэгдсэн. Түүний эзгүйд УИХ-ын дэд дарга Р.Гончигдоржийг хуралдааныг удирдан явуул гэсэн үүрэг өгсөн байсан.

Н.Энх