УИХ-ын чуулганы хуралдаанаар 2015 оны төсвийн тодотголын эцсийн хэлэлцүүлгийг хийж байна. Хэлэлцэж байгаа асуудалтай холбогдуулан гишүүд асуулт тавьж, саналаа хэлж байгаа юм. Энэ оны төсвийн тодотголоор ОАТ-ыг нэмэгдүүлэх саналыг Засгийн газар оруулсан. Сөрөг хүчин үүнд шүүмжлэлтэй хандаж байгаа юм. Тухайлбал гишүүн Ж.Энхбаяр:
-Дэлхийн зах зээлээс 2-3 дахин үнэтэй шатахуунаар яаж нүүрсээр өрсөлдөх юм. Шатахууны үнийг хямдруулах ёстой. Иргэдийн нуруун дээр ОАТ-аар нэмэгдүүлсэн онцгой ачааллыг нэмж байна. Хувийн хэвшил өрсөлдөхөд бэрх. Эдийн засгийн хүнд үеийг бид шатахуунаа хямдруулан давсан бол болох байлаа. Энэ бол ард түмэнд хатуу тусч байгаа бодлого гэсэн юм. Төрийг тэжээх туйлын муу бодлого шүү гэсэн юм.
Байнгын хорооны саналаар ОАТ-ыг нэмэх санал хураалт явуулахад гишүүдийн 74.5 хувийн саналаар дэмжив. Мөн Өрийн тухай хуулийн төсөлд нэмэлт өөрчлөлт оруулахыг дэмжлээ.
Чуулганы хуралдаан үргэлжилж байна.
Н.Энх
Уншиж байна |