Иргэдийг байрных нь орцонд дээрэмдсэн хэрэг гарсан байна.. Баянзүрх дүүргийн 16 дугаар хорооллын ... байрны орцонд иргэн С, Э нарыг энэ сарын 7-ны шөнийн цагаар орцонд нь дээрэмджээ.

Согтууруулах ундаа хэрэглэсэн үл таних дөрвөн залуу тэднийг айлган сүрдүүлж, гар утсыг нь дээрэмдэн авч явсныг Баянзүрх дүүргийн цагдаагийн хэлтсийн алба хаагчид илрүүлэн шалгаж байгаа аж.

Баянзүрх дүүргийн 16 дугаар хороонд оршин суух хаягтай О, Д, Б, Э нарыг уг хэрэгт холбогдуулан саатуулан шалгаж байна. Сэжигтнүүд 27-30 насны залуус байжээ.

Иргэдийг баяр ёслолын үеэр архи, согтууруулах ундааны зүйлийг хэтрүүлэн хэрэглэхгүй байх, хэрэглэсэн тохиолдолд ганцаар явахгүй байх, харанхуй орц хонгилоор явах тохиолдолд ар гэрээсээ хүн дуудах зэрэг өөрөөс шалтгаалах арга хэмжээг авч, гэмт хэргийн золиос болохоос урьдчилан сэргийлэхийг цагдаагийн байгууллагаас анхааруулж байна.

Б.Хүлэг