Брюссель хотноо Европын холбоо болон Туркийн эрх баригчид уулзсан билээ. Европын холбоо олон сая дүрвэгсдийн урсгалыг зогсоохын тулд Турктэй хэлэлцээр хийж, тус улс дүрвэгсдийг хүлээн авах асуудлаар хэлэлцсэн юм.
Хоёр өдөр үргэлжилсэн уг уулзалт амжилттай болж, Турк дүрвэгсдийг хүлээн авахаар тохиролцсон талаар “CNN” агентлаг мэдээллээ.
Эхний ээлжинд Грекийн хил дээр гацаад байгааа дүрвэгсдийг Турк хүлээн авах бөгөөд энэхүү ажлын хүрээнд олон сая ам.долларыг Европын холбоо төсөвлөжээ. Туркийн Ерөнхий сайд Ахмет Давутоглу “Бид тохиролцоонд хүрлээ. Өнөөдрөөс Турк, Европын холбооны зам нийллээ” гэж мэдэгдсэн байна.
Турк хүлээн авах дүрвэгсэд байрших хуаран зэргийг Европын холбоо бэлдэх гэнэ. Өнгөрсөн онд Европт нэг сая гаруй дүрвэгсэд иржээ.
Б.Дэлгэрцэцэг
Уншиж байна |