Улаанбаатар
Гал түймэр унтраах шинэ ангитай боллоо
2016-5-27

 

Онцгой байдлын ерөнхий газрын дарга бригадын генерал Т.Бадрал өнөөдөр Хөвсгөл аймгийн Тариалан суманд ажиллаж Гал түймэр унтраах, аврах 46 дугаар ангийн нээлтийн арга хэмжээнд оролцон үг хэллээ.

 

 

Монгол Улсын Засгийн газрын 2015 оны 200 дугаар тогтоолоор Хөвсгөл аймгийн Тариалан суманд Гал түймэр унтраах, аврах 46 дугаар ангийг байгуулсан. Шинээр байгуулагдаж байгаа Гал түймэр унтраах, аврах ангид ажиллах бие бүрэлдэхүүнийг сонгон шалгаруулж, сургаж дадлагажуулах ажлыг зохион байгуулан Тариалан сумаас найм, бусад сумдаас 16 иргэн мэргэжлийн анхан шатны сургалтад хамрагдаж ажилдаа томилогдон ажиллаж байна.

 

 

Ангийн нээлтийн арга хэмжээнд ОБЕГ-ын дарга, бригадын генерал Т.Бадрал,  Хөвсгөл аймгийн Засаг А.Эрдэнэбаатар, Тариалан сумын засаг дарга Ц.Хөвсгөлдалай, Онцгой байдлын газрын дарга, онцгой байдлын хурандаа Г.Нэргүй нар оролцлоо.

 

 

Шинээр Гал түймэр унтраах, аврах анги байгуулагдсанаар Тариалан сумын ард иргэдийг болзошгүй аюул, ослоос авран хамгаалаад зогсохгүй нутгийн зүүн хэсгийн сумдыг ой, хээрийн түймрээс урьдчилан сэргийлэх, гамшгаас хамгаалах төрийн үйлчилгээг иргэдэд шуурхай хүргэх боломж бүрдэж байгаа юм.

 

 

Мөн тус ангид ажиллах 39 албан хаагчийн 90 хүртэлх хувь нь Тариалан сумын иргэд томилогдон ажиллаж байгаа нь орон нутагт ажлын байр нэмэгдэж байгаа давуу талтай.

 

 

 

Гал түймэр унтраах, аврах 46 дугаар ангийн үйл ажиллагааг одоогоор түр байранд эхлүүлсэн бөгөөд зориулалтын галын депо барих төсвийн асуудлыг  2017 оны улсын төсөвт суулгах юм.

 

 

Shuud.mn
Сонин хачин
Ээ чааваас:
Бадрал генерал хээрийн хувцсан дээр одон медалын лент зүүдэггүй гэж мэддэггүй юм байх даа. Дээрээ суудлаа олохгүй бол доороо гүйдлээ олохгүй гэж үнэн үг юмаа. Цэргүүд нь хүртэл хувцасны зөрчилтэй. Тариалан суманд тээрхийгээ даахгүй мөртлөө энгийн цэргийн хувцас хольж өмссөн баахан ажилгүй нөхөд холхиод байна гэсэн.
2016-06-03