АНУ-ын эрх баригчид өнгөрсөн долоо хоногт Хойд Солонгосын удирдагч Ким Чен Уныг хүний эрх, эрх чөлөөг ноцтой зорчиж байна хэмээн буруутгаж, хориг тавьсан билээ. Ким Чен Уныг хар дансанд бүртгэхээс гадна гадаад дансыг царцаахаа мэдэгджээ.
Мөн АНУ, Пхеньяны нөлөө бүхий 10 эрхмийг хар жагсаалтадаа багтааж, дансыг нь царцаасан юм.
АНУ өмнө нь Хойд Солонгосын эсрэг хориг тавьдаг байсан боловч анх удаагаа Ким Чен Унд хориг тавьж байна.
Тэгвэл удирдагч энэ амралтын өдөр “АНУ санаатайгаар дайныг өдөөн турхирлаа. Тэд эхэлж гал дээр тос нэмлээ. Бид хариугаа авах болно” гэж мэдэгдсэн талаао “KCNA” агентлаг дамжууллаа.
АНУ-ын Сангийн яамны Терроризм, санхүүгийн тагнуулын асуудал хариуцсан ажилтан Адам Шубин “Хар жагсаалтад багтсан бүх хүмүүс хүний эрхийг ноцтой зөрчдөг. Бидэнд тэндий талаар хэдэн мянган материал бий” гэж мэдэгдсэн байна.
Б.Дэлгэрцэцэг
Уншиж байна |