БНХАУ-ын Сычуань мужид энэ амралтын өдөр их хэмжээний аадар бороо орсны улмаас хөрсний нуралт үүссэн талаар “NHK” агентлаг мэдээллээ. Уг гэнэтийн байгалийн гамшгийн уршгаар 10 хүн амиа алдаж, 93 хүн сураггүй болсон байна.
Иргэд болон аврагчид нийлсэн 200 гаруй хүн сураггүй бологсдыг эрэн хайж буй юм. Хөрсний нуралтын үеэр орон сууцны барилга нурсан байна. Уг барилгын нуранги дороос хэд хэдэн цогцос олжээ. Гамшгийн бүс болоод буй Маошин хотноо 1520 хүнийг яаралтай нүүлгэн шилжүүлж, түр хорогдох байруудад хуваан байршуулсан байна.
Сайн дурынхан иргэдэд ундны цэвэр ус болон шаардлагатай бараа бүтээгдэхүүнийг тараажээ.
Б.Дэлгэрцэцэг
Уншиж байна |