АН-ын бүлгийн дарга Д.Эрдэнэбатын албан өрөөнд болсон асуудал хүмүүсийн сонирхлыг татаж буй. УИХ-ын гишүүн Л.Болд, Ж.Батзандан, Тагнуулын Ерөнхий газрын дарга асан Б.Хурц нарын хооронд болсон маргааны талаар тэд өөр өөрийн өнцгөөр тайлбар өгч буй. Энэ үед УИХ-ын гишүүн Ж.Батзанданг “ална” хэмээн сүрдүүлсэн нь үнэн гэдгээ Б.Хурц “Цензургүй яриа” нэвтрүүлэг орохдоо баталсан.

Харин үйл явдал болсны дараа бүлгийн дарга Д.Эрдэнэбат “Эрчүүдийн хооронд жаахан маргаан болсон. Би нэг зүйлийг хэлье. Эрчүүд, эрчүүд шиг байх ёстой. Гурван хатуу үг, гурван хатуу цохилтыг даадаг байх хэрэгтэй” гэсэн тайлбарыг өгөөд байсан.

Тэгвэл энэ асуудлаар АН-ын бүлгийн дарга Д.Эрдэнэбатыг хууль хяналтын байгууллагаас гэрчээр дууджээ. Тэрбээр өрөөнд нь юу болсныг олон нийтэд бус хуулийн байгууллагад ярина гэдгээ хэллээ.  

Б.Энэрэл