Өмнөд Солонгосын Пёнчан хотноо зохион байгуулагдах өвлийн олимпт Хойд Солонгосын 22 тамирчин оролцох билээ.
Уг тамирчдын бүрэлдэхүүнийг Хойд Солонгосын Төрийн ёслолын сайд Ким Ён Нам тэргүүлэхээр болсон талаар Пхеньянаас мэдээлсэн юм.
Ким Ён Нам нь 2014 оноос хойш Өмнөд Солонгост ирж буй Хойд Солонгосын хамгийн өндөр албан тушаалтан гэнэ.
Хойд Солонгосын удирдагч Ким Чен Ун гол зөвлөхөө Сөүл рүү илгээж буй нь хоёр Солонгосын харилцаанд “эерэг өөрчлөлт” гарч байна хэмээн олон улс үзэж байна.
Ким Ён Нам өчигдөр Хөдөлмөрийн намын нөлөө бүхий гурван эрхэм болон 18 туслахын хамтаар өмнөдөд иржээ.
Тэгвэл Өмнөд Солонгосын Ерөнхийлөгч Мүн Жэ Ин Пхеньянаас ирсэн төлөөлөгчидтэй уулзахаар болсон байна. Хөх ордны тэргүүнтэй уулзахыг Пхеньяны төлөөлөгчид зөвшөөрсөн гэх мэдээллийг тус улсын Засгийн газраас уламжлав.
Б.Дэлгэрцэцэг
Уншиж байна |