Эрхүү мужийн усанд автсан бүс нутгуудад ор сураггүй болсонд тооцогдож байсан 30 хүнийг хууль сахиулах байгууллагынхан эсэн мэнд олсон талаар мужийн засгийн газрын хэвлэлийн албанаас мэдээлжээ.
Вести агентлагийн мэдээлснээр, өнөөдөр буюу долоодугаар сарын долооны өдрийн байдлаар 11 хүн ор сураггүйд тооцогдож,, 22 хүн амиа алдсан гэнэ.
Одоогоор усанд автсан бүс нутгуудад ус зайлуулах ажиллагаа явагдаж байгаа бөгөөд 11.6 км урт 37 гудамжийг цэвэрлэн, 4 мянган кубметр хог хаягдал зөөвөрлөжээ.
Эргэн сануулахад, зургаадугаар сарын 25-ны өдрөөс хойг Эрхүү мужийн 107 суурин усанд автсан юм. Байгалийн гамшигт 10.39 мянган байшин сүйдэж 34.67 мянган хүн орон гэргүй болжээ.
Эрхүү: Хүмүүнлэгийн тусламжид цагдаагийнхан хяналт тавина
Г.Бямбасүрэн
Уншиж байна |