Оросын Эрхүү мужийн Усть-Ордын Буриадын тойрогт байх Мельхитуй сууринд энэ жил нэгдүгээр ангийн элсэлт тун онцлогтой болох гэж байгаа талаар Комсомольская правда мэдээллээ.
Тодруулбал, Мельхитуй суурингийн дунд сургуульд нэгдүгээр ангид элсэн орох гэж байгаа ганцхан хүүхэд байгаа нь Кирилл Баширов гэнэ.
Нэгдүгээр ангийн цорын ганц сурагч болох түүнд зориулсан тусгайлсан арга хэмжээ болохгүй ч хүү үүнд огт санаа зовохгүй байгаа талаар ээж нь ярьжээ.
“Хүү минь үүнд гонсойхгүй, харин ч баяртай байгаа. Түүнийг илүү их анхаарна шүү дээ гэж хэлсэн. Манай хүү бие даасан, их зоригтой хүүхэд” хэмээн Кириллийн ээж Ольга Баширова ярьсан байна.
Кирилл цэцэрлэгт яваагүй ч уншиж бичиж чаддаг болсон бөгөөд хичээлийн жилийн нээлтэн дээр шүлэг уншихаар бэлджээ.
Мельхитуй сууринд бага сургууль л байдаг, энд нийтдээ 18 хүүхэд сурдаг гэнэ. Сургуулийн захиргааны мэдээлснээр, хүүхдүүд 1-4 дүгээр ангид суралцдаг, жил бүр 5 орчим хүүхэд нэгдүгээр ангид элсдэг ч энэ жил Кирилл ганцаараа элсэхээр болжээ.
Г.Бямбасүрэн
Уншиж байна |