Шинэ төрлийн титэм вирусийн улмаас амь насаа алдсан хүмүүсийн насны ангиллын талаарх тайланг БНХАУ-ын Эрүүл ахуй, эрүүл мэндийн улсын хороо нийтлэсэн талаар South China Morning Post мэдээллээ.
Тайланд дурдснаар, шинэ төрлийн титэм вирусийн улмаас амиа алдсан хүмүүс нь 48-89 насны хүмүүс байжээ.
Ухань хотод вирусийн улмаас нас барсан 17 хүний ес нь чихрийн шижин, зүрх эсвэл Паркинсоны өвчинтэй байсан гэнэ. Амиа алдсан хүмүүсээс найм нь 80 настай, хоёр нь 70 гаруй насны хүмүүс байсан гэнэ. Шинэ төрлийн вирусийн улмаас амиа алдсан хүмүүсийн хамгийн залуу нь 48 настай эмэгтэй байсан бөгөөд тэрбээр өмнө нь зүрхний шигдээс болж байсан, архаг чихрийн шижинтэй байжээ.
"Тархвар судлалын мэдээллээс харахад залуу хүмүүс өвчинд нэг их өртөмтгий биш байна" хэмээн мэдэгдэлд дурдсан байна.
Эргэн сануулахад, Хятад улс шинэ төрлийн титэм вирус тархсаны улмаас гурван хотыг хаасан бол Ежоу, Хуанган хотуудад нийтийн тээврийн хөдөлгөөнийг зогсоосон байна.
Түүнчлэн, нэгдүгээр сарын 25 буюу бямба гаригаас эхлэн Бээжин хотын Хориотой хотын музейн цогцолборыг хаахаар болжээ.
Ийнхүү нэн аюултай шинэ вирус дэгдсэн Хятад улсад титэм вирусийн халдвараар өвчилсөн хүмүүсийн амь насыг аврах арга боловсруулсан байна. Тодруулбал, цусыг хүчилтөрөгчөөр хангаснаар биеийн байдал хүнд байсан 53 настай эрийн амь насыг аварчээ.
Шинэ төрлийн аюул тив алгасан тархаж байна
Г.Бямбасүрэн