• 2021-03-12

Франц АстраЗенека вакцинаас татгалзахгүй

img

Европын холбооны зарим орнуудад АстраЗенека вакцины гаж нөлөөнд санаа зовнин, энэ вакциныг ашиглахаа түр зогсоосон. Харин Франц улсад АстраЗенека вакцинаас татгалзах шалтгаан байхгүй гэж тус улсын Эрүүл мэндийн сайд Оливье Веран мэдэгдсэнийг Интерфакс дамжуулжээ. 

 

"Эм бэлдмэлийн аюулгүй байдлын үндэсний агентлагийн мэдээллээр АстраЗенека бэлдмэлийг ашиглан вакцинжуулалтыг зогсоох шаардлага байхгүй" гэж Францын Эрүүл мэндийн сайд мэдэгдсэн байна.

 

"Гаж нөлөө хүндэрсэн тохиолдол бүр дээр шалгалт хийдэг. Европын таван сая хүнд вакцин хийхэд 30 хүнд л цус бүлэгнэх хүндрэл гарсан. Энэ нь вакцинжуулалттай холбоотой эсэхийг нарийвчлан судалсан. Одоогоор энэ хүндрэл вакцинаас үүдэлтэй гэх албан ёсны баталгаа байхгүй" хэмээн Францын Эрүүл мэндийн сайд цохон тэмдэглэсэн байна.

 

Европын холбооны зарим орнуудад АстраЗенека вакциныг ашиглахаа түр зогсоох шийдвэр гаргасны дараа Европын эм бэлдмэлийн агентлаг энэ вакцин нь цус бүлэгнэлт үүсгэх эрсдэлийг нэмэгдүүлдэггүй тул вакциныг үргэлжлүүлэн ашиглаж болно гэж зөвлөсөн юм.

Европын зарим орнуудад АстраЗенека вакциныг ашиглахаа түр зогсоов

Г.Бямбасүрэн

СЭТГЭГДЭЛ БИЧИХ

Зочин:
MY CHOICE, MY BODY, MY LIFE гэсэн уриатай жагсаж байна. Вакцин хийлгэх нь хүний эрхийн хувьд ч МИНИЙ ЭРХ, МИНИЙ СОНГОЛТ, МИНИЙ БИЕ, МИНИЙ АМЬДРАЛ байх ёстой. Тэрнээс хэдэн дарга нарын тушаалаар хийлгүүлнэ гэж байхгүй.
2021-03-12
Зочин:
Нийгмийн сэтгэл зүйг тайвшруулах гэсэн худлаа тархи угаалт. Магадгүй жилийн дараа энэ бүх мэдэгдэлдээ энэ хүмүүс хариуцлага хүлээх цаг ирнэ. Астразенека вакцин бол хамгийн "зөөлөн" буюу үр дүн муутай вакцин. Вакцины 2 тунг хийлгээд ч дархлаа тогтох нь тодорхойгүй 30-60%-ийн үр дүнтэй, вакцин хийлгэсний дараа коронагаар өвдөж болно, өвдөхгүй байж ч бас болно гээд судлаачид нь бичээд байна. Манайд тэрийг нь орчуулж тавьдаггүй ээ. Хүн төрөлхтөн 2021 онд вакцины "туршилтын туулай" болж хэрхэн дархлаа тогтсон талаар 2023 онд л тодорхойлогдох боломжтой. Одоогоор хөөрхий ЭМЯ бусдын хийсэн бүтээгдэхүүний өмнөөс, тэдгээрийн маркетингийн өмнөөс бас ЗГ-ын даалгавараар "тархи угаалт" л хийж байна. Ямар ч мундаг эрдэмтэн байгаад өөр хүний хийсэн зүйлийг яаж тэгж итгэлтэй ярьж чадах вэ, манайд бол чадаж байна. Тэр мундаг гээд байгаа Израйль, АНУ, Европт эсэргүүцэж жагсаал болж байна.
2021-03-12