Танзанийн Ерөнхийлөгч Жон Магуфули 62 насандаа зүрхний өвчний улмаас таалал төгссөн талаар Ройтерс агентлаг мэдээлжээ.
"Бүгд Найрамдах Нэгдсэн Танзани Улсын Ерөнхийлөгч Жон Помбе Жозеф Магуфули Дар-эс-Саламе хотын Мзен эмнэлэгт зүрхний өвчний улмаас таалал төгслөө" хэмээн Танзанийн улсын телевизийн эфирээр тус улсын дэд Ерөнхийлөгч Сами Хасан Сулуху мэдэгдсэнийг Ройтерс дамжуулсан байна.
Өмнө нь, гуравдугаар сарын 10-ны өдөр ВВС агентлаг 61 настай Ерөнхийлөгч Магуфулиг коронавирусийн халдвар болон зүрхний өвчний улмаас Кенийн эмнэлэгт хэвтэн эмчлүүлж байгаа талаар Танзанийн сөрөг хүчний тэргүүнээс авсан эх сурвалжтайгаар мэдээлж байлаа. Түүнчлэн Кенийн хэвлэлүүд "Африкийн нэг орны тэргүүн" Найробид коронавирусийн халдварын улмаас эмнэлэгт хэвтсэн, уушгины хиймэл амьсгалын аппарат залгуулсан гэж мэдээлж байсан аж. Гэхдээ чухам хаанахын, хэн гэдэг тэргүүн ийнхүү бие нь муудаж, Кенид эмчлүүлж байгаа талаар хэвлэлүүдээр мэдээлээгүй байна.
COVID-19: Вакцинаас татгалзаж, бурханд найдаж байсан
Танзанийн Ерөнхийлөгч халдвар авчээ
Г.Бямбасүрэн
Уншиж байна |