"Rust" киноны зураг авалтын үеэр Холливудын жүжигчин Алек Болдуин гар буугаар бууддаг хэсгийн зураг авах үед буу нь жинхэнэ сумтай байж тааран, улмаар киноны зураглаач амиа алдаж, найруулагч нь шархадсан харамсалтай хэрэг гарсан юм. 

Энэхүү эмгэнэлт өдөр зураг авалтын талбай дээр буудах хэсгийн зургийг авахад гар буу өөрөө буудчихсан гэж Алек Болдуин мэдэгджээ. АВС агентлагт өгсөн ярилцлагадаа тэрбээр зураг авалтын тэр хэсэгт гар бууны гохыг дарах хэсэг байгаагүй гэж онцолсон байна. Амиа алдсан зураглаач бүсгүй зэвсгээ хэрхэн чиглүүлэхийг зааж өгсөн хэмээн Болдуин өгүүлжээ. Түүнд гар буу хоосон, сумгүй байгаа гэж хэлсэн ч бууны гохон дээр дараагүй гэж Алек Болдуин өгүүлсэн байна. 

Энэ нь зураг авалтын талбай дээр болсон хэргийн дараа Болдуин хэвлэлээр албан ёсоор мэдэгдэл хийсэн анхны тохиолдол юм. Тэрбээр ярилцлага өгөх үеэрээ уйлж, уучлалт гуйж байжээ.

Алек Болдуин: Ийм тохиолдол нэг их наядад ганц л тохиодог