Женев дэх Оросын төлөөлөгчдийн багийн гишүүн, дипломатч Борис Бондарев ОХУ Украинд өдүүлсэн дайныг эсэргүүцэн, ажлаасаа халагдах хүсэлт гаргасан талаар бид өмнө нь мэдээлсэн. 

Оросын дипломат: Эх орноосоо ингэтлээ ичиж байсангүй

НҮБ-ын төв байранд хамтдаа ажилладаг ажилтнуудад Оросын түрэмгийллийг эсэргүүцсэн захидал илгээн, ажлаасаа халагдах шийд гаргасан дипломатч Борис Бондаревын үйлдэлтэй холбоотойгоор Оросын эрх баригчид тайлбар хийжээ.

Регнум агентлагийн мэдээлснээр, Оросын Ерөнхийлөгчийн хэвлэлийн нарийн бичгийн дарга Дмитрий Песков Бондаревыг "тэр цаашид бидэнтэй хамт биш, бидний эсрэг болсон" хэмээн мэдэгдсэн байна.

"Тэр Оросын удирдлагын үйлдлийг шүүмжилсэн. Харин Оросын удирдлагын үйлү ажиллагааг манай орны бараг бүх хүн ам дэмждэг юм шүү. Эндээс харахад, энэ ноёнтон манай улсын нийтлэг, нэгдмэл байр суурийн эсрэг зогссон" хэмээн тэрбээр сэтгүүлчдэд өгүүлжээ.

Бондарев хамтран ажиллагсаддаа илгээсэн захидалдаа "эх орноосоо ингэтлээ ичиж байсангүй" хэмээсний дээр Украины эсрэг Оросын өдүүлсэн дайныг "Украины төдийгүй Оросын ард түмний эсрэг үйлдсэн хамгийн ноцтой гэмт хэрэг" хэмээн нэрлэж байв. Тэрбээр ВВС агентлагт ярилцлага өгөхдөө аюулгүй байдлынхаа төлөө санаа зовниж байгаа ч хилийн чанадад улс төрийн орогнол хүсэх талаар хараахан шийдвэр гаргаагүй хэмээжээ.

Г.Бямбасүрэн