БНАСАУ лхагва гарагийн өглөө цэргийн тагнуулын хиймэл дагуултай пуужин хөөргөсөн ч амжилтгүй болсон талаарх мэдээлэл гарсан.

NHK: Хойд Солонгосын хиймэл дагуул сансрын орон зайд гарч чадсангүй

Хойд Солонгосын Цахим мэдээллийн төв агентлагийн мэдээлснээр  БНАСАУ-ын хөөргөсөн пуужингийн хөдөлгүүрт гэмтэл гарсны улмаас пуужин Шар тэнгист унажээ. Хэдийгээр анхны удаад амжилтгүй болсон ч ойрын үед шинэ пуужин хөөргөнө гэж эрх баригчид нь найдаж байгаа талаар энэ мэдээлэлд онцолсон байна. 

Эх сурвалжийн мэдээлснээр, орон нутгийн цагаар тавдугаар сарын 31-ний 06:27 (Улаанбаатарын цагаар 05.27) цагт "Маннигён-1" цэргийн тагнуулын хиймэл дагуулыг хөөргөжээ. Хөдөлгүүрийг асаах үед хөдөлгүүрт гэмтэл гарч, улмаар пуужин Шар тэнгист унасан байна.

Пуужингийн хэлтэрхийнүүдийг 08:05 цаг орчимд Очхандо арлаас 200 км зайд олсон гэж Өмнөд Солонгосын Штабуудын дарга нарын нэгдсэн хороо мэдээлжээ. Одоо хэлтэрхийнүүдийг далайн ёроолоос гаргах ажлыг хийж байгаа аж.

Г.Бямбасүрэн