БНСУ-ын жүжигчин Пак Со Жүн Marvel кино ертөнцийн “The Marvels” кинонд алдарт жүжигчин Бри Ларсонтой мөр зэрэгцэн дүр бүтээх болсон билээ. Олон хүмүүсийн хүлээлт үүсгэсэн уг кино маргааш буюу  2023 оны 11 дүгээр сарын 10-ны өдөр нээлтээ хийх гэж байна. 

Пак Со Жүний хувьд тус кинонд Ахмад Марвел(Бри Ларсон)-ийн нөхөр Ханхүү Яны дүрийг бүтээжээ. Түүнчлэн дуулж байгаа мэт ярьдаг онцлогтой хөгжмийн гарагийн ханхүү гэж яригдаж байгаа нь хүлээлт үүсгээд байна.

“The Marvels” кино нь Ахмад Марвел” Кэрол Данверс, Моника Рамбо, “Хатагтай Марвел” Камала Каан гэсэн гурван эмэгтэй супер баатраас бүрдсэн баг хорон санаатантай тулалддаг тухай өгүүлэх ажээ. Олон нийтэд цацагдсан танилцуулга трэйлерт “The Marvels”-ын үндсэн агуулга, өнгөрсөн түүхийн тухай гардаг.