Солонгосын залуу дуучин, ая зохиогч Им Нахи 11 дүгээр сарын 8-нд учир битүүлгээр нас баржээ.  

Энэхүү гэнэтийн үхэлд гэр бүлийнхэн төдийгүй шүтэн бишрэгчид нь маш ихээр гайхаж, харамсаж буйгаа цахим орчинд илэрхийлсээр байна. 

Дуучин бүсгүйн үхлийн шалтгаан тодорхойгүй байгаа бөгөөд агентлагийн зүгээс ч түүний нас барсантай холбогдуулан олон нийтийн сүлжээгээр ямар нэгэн мэдэгдэл хийгээгүй байна.

Талийгаачийн оршуулгын ёслолыг Кёнгидо мужийн Пёнтэк хотын оршуулгын төв ордонд өнөөдөр /2023.11.10/ хийхээр болжээ. 

Нахи нь  Өмнөд Солонгост инди урсгалын уран бүтээлч байсан. Тэрээр 2019 онд "Цэнхэр хот" дуугаараа дебютээ хийсэн бөгөөд үүний дараагаар  "Blue Night", "Gloomy Day" зэрэг олон дуунуудыг гаргажээ. Мөн хамгийн сүүлд таван сарын өмнө 안녕(H!) хэмээх дуу гаргасан билээ.