Эмэгтэйчүүд  цаг үргэлж ямар ч тохиолдолд үргэлж төгс байхыг хүсдэг хүмүүс юм. Гэрээсээ гарахдаа цүнх гэх мэт дагалдах хэрэгслийг ашиглахгүй бол ямар нэг юм үргэлж дутуу мэт санагдах мэдрэмж авдаг гэнэ. Тийм ч учраас цүнх бол хэд хэдэн чухал үүрэг гүйцэтгэдэг загварын нэгэн чухал элемент юм. Загварын ертөнцөд энэ өвлийн тренд болж буй таван цүнхийг сонирхуулж байна. 

Шинэчлэгдсэн классик

Хэзээд үнэ цэнээ алддаггүй, хэрэглэгчдийн хүсэлд нийцсэн Gucci брэндийн Jackie, Balenciaga ордны Hourglass, Loewe-ын Flamenco цүнхнүүдийн шинэчлэгдсэн, намрын өнгө аястай хувилбарууд тренд болно.

Хамгийн хэрэгцээтэй tote цүнх

Tote цүнх нь үнэртэй ус, косметик хэрэгслээс эхлээд гар ариутгагч, цаашлаад бүр боодол маскыг ч хүртэл өөртөө багтаахаар том хэмжээтэй гэдгээрээ онцлог. Энэхүү загвар нь Hermès, Fendi, TheRow брэндүүдийн намар-өвөл 2021 цуглуулгад хийц, хэлбэр, хэмжээний өргөн сонголттойгоор зонхилжээ.

Ovesize загвар

Намар-өвөл 2023 цуглуулгад макси цүнхнүүдийн хэмжээ хэд дахин томорсон харагдлаа. Мини цүнхний эсрэг туйл гэж болох oversize загвар нь хэрэгцээтэй бүх эд зүйлсээ хийн аялал, зугаалгад авч явахад нэн тохиромжтой юм.

Олон үйлдэлт

Дизайнерууд энэ намрын цүнхнүүдийг усны сав, уруулын будаг, утас зэргээ хийх боломжтой тусдаа кармануудаар гоёжээ. Энэхүү загвар нь эд зүйлсээ тасалгаа бүрт нь хийж эмх цэгцтэй авч явах боломжийг олгохын зэрэгцээ загварлаг харагдах болно.

Хөвсгөр ба зөөлөн

2000-аад онд чиг хандлагыг тогтоогоод байсан тав тухтай буйдан мэт харагдах энэхүү цүнх нь эргээд моданд оржээ. Тухайн үеийнхээс ялгаатай нь Simon Miller, Etsy зэрэг загварын орднууд арьсан материалаас татгалзсан хүмүүст зориулж vegan арьсаар тус цүнхийг урласан байна.