Дэлхийн алдарт BLACKPINK хамтлаг Английн засгийн газрын урилгаар Их Британийн Букингемийн ордонд болсон Солонгос-Англи улсын хамтарсан хүндэтгэлийн уулзалтад очжээ. 

Тодруулбал тус ордонд Өмнөд Солонгосын Ерөнхийлөгч Юн Сук Ёол, Тэргүүн хатагтай Ким Кеон Хи нарын Их Британид хийсэн төрийн айлчлалыг хүндэтгэн оройн зоог барьжээ. Уг оройн зоогт 170 орчим зочдын урьсан бөгөөд дотор нь BLACKPINK хамтлагийн Женни, Жисү, Лиза, Розе нар багтсан байна.  

Хаан Чарльз хэлэхдээ, “BLACKPINK нэрээрээ алдаршсан Женни, Жисү, Лиза, Розе нарыг Их Британийн COP 26-ын ерөнхийлөгчийн Элчин сайдаар, мөн НҮБ-ын Тогтвортой хөгжлийн төлөө тэмцэгчээр дэлхийн үзэгчдэд байгаль орчны тогтвортой байдлын тухай мессежийг хүргэх үүрэг гүйцэтгэсэнд нь халуун баяр хүргэе. Тэд зөвхөн соёл урлагийн сурталчилах бус олон сайн үйлсэд гар бие оролцож байгаа нь маш том бахархал юм”хэмээн сайшаасан байна.