Гурван настайдаа тодорч, долоон жил нууцлагдмал байсан Монголын X Богд Жавзандамба хутагт олны өмнө ил гарч ирээд багагүй хугацаа өнгөрчээ. Тэгвэл өнөөдөр Х Богд гэгээний мэлмий гийж мэндэлсэн өдөр нь өнөөдөр буюу хаврын адаг сарын шинийн 15-нд тохиож байна.  

Х Богд нь УИХ-ын гишүүн асан Ц.Гарамжавын охин Н.Мөнхнасангийн хүүхэд билээ. Тэрбээр ихэр бөгөөд хөвгүүдийг А.Агуйдай, А.Ачилтай гэдэг. 2015 онд АНУ-д төрсөн. Давхар иргэншилтэй. Хөвгүүд дээрээ хоёр эгчтэй гэнэ. Ийнхүү өнөөдөр есөн насны төрсөн өдрөө тэмдэглэж байгаа тунамал дүртэй X Богд Жавзандамба хутагтын маань өлмийн лянхуа мөнхөд батжих болтугай.