Цагдаагийн ар гэрийн холбооноос дөнгөж сая мэдээлэл хийлээ. 2008 оны долдугаар сарын 1-ний үймээнээс үүдэлтэйгээр байгуулагдсан цагдаагийн ар гэрийн холбоо тухайн өдөр бэртэж, гэмтсэн цагдаагийнхны ар гэрийнхнээс бүрдэж байсан бол, өдгөө цагдаагийн удирдлагуудын ар гэрийнхэн ч тус холбоонд нэгдээд байгаа юм.
Тус холбооныхон "Маргааш болох шүүх хурлыг нээлттэй хийгээч" гэдэг саналыг шүүх бүрэлдэхүүнд тавьж, төрийн өндөрлөгүүдийг энэ асуудалд анхаарлаа хандуулж, үнэн зөв шийдэж өгөх хүсэлтийг хэвлэл мэдээллийн хэрэгслээр дамжуулж байгаа юм байна.
Дашрамд дурдахад, Цагдаагийн ерөнхий газрын даргын үүрэг гүйцэтгэгч асан, хошууч генерал Ч.Амарболд, Эргүүл хамгаалалтын газрын дарга асан, цагдаагийн хурандаа Ш.Батсүх, Нийслэлийн цагдаагийн газрын дарга асан, цагдаагийн хурандаа О.Зоригт, тус газрын Хэв журмын хэлтсийн дарга асан, цагдаагийн дэд хурандаа Г.Ганбаатар нарыг шүүх хурал маргааш "Цагдан хорих төв"-д болох юм.
Д. Цэцэг