"ШУМ" хэвлэл мэдээллийн форум үргэлжилж байна
"ШУМ" хэвлэл мэдээллийн форум үргэлжилж байна
УКРАИН УЛС ОТТАВАГИЙН КОНВЕНЦООС ГАРАВ
Украины Ерөнхийлөгч В.Зеленский Оттавагийн гэрээнээс гарч буйгаа албан ёсоор мэдэгдлээ. Уг конвенц нь явган цэргийн эсрэг мина хэрэглэхийг хориглосон конвенц бөгөөд Украин улс 2005 онд соёрхон баталсан байдаг. В.Зеленский Оттавагийн конвенцоос гарч байгаа шалтгаанаа тайлбарлахдаа “ОХУ Оттвагийн конвенцид нэгдээгүй бөгөөд явган цэргийн эсрэг мина болон баллистик пуужин ашиглаж байгаа нь дайныг тэнцвэргүй болгож байна” гэжээ.
ОХУ УКРАИНД "477 ДРОН, 60 ПУУЖИНГААР" ЦОХИЛТ ӨГӨВ
Ням гарагт ОХУ Украины хотуудад агаарын цохилт өглөө. ОХУ-ын агаарын цохилт хамгийн олон тооны нисгэгчгүй онгоц, пуужин ашигласан томоохон цохилтуудынх нь нэг болсон байна. Тодруулбал, ОХУ-ын зүгээс ням гарагийн шөнө Украины 6 бүс нутагт 477 нисгэгчгүй онгоц, 60 пуужин харважээ.
ХЯТАД ЯПОНООС ДАЛАЙН БҮТЭЭГДЭХҮҮН ИМПОРТОЛЖ ЭХЛЭВ
Хоёр жилийн турш Японоос далайн бүтээгдэхүүн импортлохоо зогсоосон Хятад улс ням гарагт импортын хоригоо хэсэгчлэн цуцалж байна. Хятадын гаалийн албаны мэдээлснээр, Японы Фүкүшима, Гунма, Точиги, Ибараки, Мияги, Ниигата, Нагано, Сайтама, Токио, Чиба зэрэг 10 мужаас далайн гаралтай бүтээгдэхүүн импортлохгүй. Харин Японы бусад бүс нутгийн далайн гаралтай бүтээгдэхүүнд эрүүл мэндийн шинжилгээний бичиг, цацраг идэвхт бодисын шинжилгээнд орсон гэрчилгээ Хятадын гаалийн мэдүүлэгт зориулан Японы засгийн үйлдвэрлэлийн талбайн гэрчилгээ шаардана гэв.
Европ даяар хэт халалт үргэлжилж байна
Тэгвэл Португал, Итали, Хорватын зарим хэсэгт халууны сэрэмжлүүлэг гамшгийн улаан дохио асааж буй бөгөөд Франц, Австри, Бельги, Босни-Герцеговина, Унгар, Серби, Словени, Швейцари улбар шар дохионд шилжлээ. Барселон хотод хэт халалтаас үүдэлтэй нас баралт бүртгэгдсэн бөгөөд эрүүл мэндийн байгууллагаас өндөр настан, хорт хавдраар өвчлөгсөд, орон гэргүй хүмүүс голчлон наранд цохиулж байна гэж мэдээлжээ.
КАНАДЫН ПАРЛАМЕНТ ҮНДЭСНИЙ БҮТЭЭН БАЙГУУЛАЛТЫН ТӨСЛҮҮДИЙГ ХЭРЭГЖҮҮЛЭХ ХУУЛЬ БАТАЛЛАА
Канадын Парламент Марк Карнигийн Засгийн газарт шинэ эрх мэдэл олгох, Үндэсний бүтээн байгуулалтын том төслүүдийг шуурхай хэрэгжүүлэх хуулийн төслүүдийг баталлаа. Канадын парламент уг хуулиудыг баталсан нь АНУ-ын Ерөнхийлөгч Дональд Трампын бодлогыг эсэргүүцэх зорилготой.
АЯТОЛЛА АЛИ ХАМЕНЕИ МЭДЭГДЭЛ ХИЙВ
Ираны дээд удирдагч Аятолла Али Хаменеи мэдэгдэл хийлээ. Түүний хувьд Иран Израил гал зогсоох тохиролцоонд хүрсэнээс хойш анх удаа ил гарч, видео мэдэгдэл хийж байна. Мөргөлдөөн эхэлснээс хойш нууц байршилд бүгээд буй Аятолла Али Хаменеи “АНУ Ираны цөмийн байгууламжуудад цохилт өгсөн ч амжилтгүй болсон”. Учир нь АНУ-ын халдлагын өмнө бүх нөөцөө зөөсөн байсан. Тиймээс Ираны цөмийн хөтөлбөр цаашид тасалдахгүй гэж мэдэгдэлдээ дурдлаа.
ХЯТАДЫН ӨМНӨД БҮС НУТГУУДАД ҮЕРИЙН ЭРСДЭЛ ӨНДӨР БАЙНА
Одоогоор үерийн эрсдлийн түвшин өндөр хэвээр байгаа тул эрх баригчид улаан түвшний анхааруулга өгч, аврах ажиллагааг үргэлжлүүлж байна. Хятадын эрхбаригчид өмнөд бүс нутгуудад үерийн аюул нүүрлэсэнтэй холбогдуулан үер, аврах ажиллагаанд 15 сая орчим ам.доллар зарцуулж байна
ИРАНЫ ЦӨМИЙН БАЙГУУЛАМЖУУД ЭРГЭН СЭРГЭХЭД УРТ ХУГАЦАА ШААРДЛАГАТАЙ
АНУ-ын агаарын довтолгоонд Ираны гурван ч цөмийн байгууламж сүйдсэн. Энэ байгууламжууд эргэн сэргэхэд урт хугацаа шаардагдах төлөвтэй байна гэж АНУ-ын тагнуулын төв агентлагийн захирал Жон Рэтклифф мэдэгдлээ. Ираны хувьд уран баяжуулах цөмийн гурван байгууламж болон Натанз, уран баяжуулах болон центрифугийн үйлдвэрлэлийн цех байрладаг Исфахан бүрмөсөн устсан бол Натанз болон Фордогийн үйл ажиллагаа хэвийн үргэлжлэх боломжгүй болжээ.
Д.Трамп В.Зеленский нар уулзав
АНУ-ын Д.Трамп Украины Ерөнхийлөгч В.Зеленксий нар НАТО-ын дээд хэмжээний уулзалтын үеэр уулзлаа. Д.Трамп В.Зеленский нар хамгийн сүүлд Ромын Пап Францискийн оршуулгын ёслол дээр уулзсан байдаг. Удирдагчид энэ удаагийн уулзалтаар Орос-Украины дайныг дуусгах, энхийн гэрээ байгуулах асуудлыг дахин хэлэлцсэн бөгөөд Д.Трампын зүгээс АНУ-ын гаргаж буй хүчин чармайлтыг үр дүнгүй болох ёсгүй гэх байр суурийг илэрхийлжээ.
Гуйжоу хотод түүхэнд байгаагүй хамгийн том үер боллоо
Гуйжоу хотод түүхэнд байгаагүй хамгийн том үер боллоо
FACEBOOK “Fact-check" ХЭЗЭЭ ЗОГСОХ ВЭ?
Meta “fact-check” системээ зогсоож, хэрэглэгчдийн оролцоонд суурилсан шинэ хэлбэрт шилжихээ мэдэгдсэн. Тодруулбал, Meta компанийн үүсгэн байгуулагч Марк Зукерберг 2025 оны 1-р сарын 7-нд хийсэн мэдэгдэлдээ, Facebook-ийн мэдээллийн үнэн бодит байдлыг шалгадаг “fact-check” системийг зогсоож, оронд нь олон нийтийн оролцоонд тулгуурласан шинэ хяналтын хэлбэрт шилжинэ гэдгээ зарласан байдаг.
ИРАН ИЗРАИЛЫН МӨРГӨЛДӨӨН: ТАЛУУД 12 ХОНОГТ ЯМАР ХОХИРОЛ АМСАВ?
АНУ-ын Ерөнхийлөгч Дональд Трамп Иран Израил гал зогсооно хэмээн мэдэгдсэн. Уг мэдэгдлийг Ираны тал хүлээн зөвшөөрч 13 хоног үргэлжилсэн мөргөлдөөн дуусгавар болох нь. Дональд Трампын мэдэгдэж байгаагаар талуудын гал зогсоох хэлэлцээ 24 цагийн дараа хэрэгжиж эхэлнэ.
МАРК РУБИО ИРАНЫ СҮРДҮҮЛГИЙГ ЗОГСООХЫГ ХЯТАДАД УРИАЛАВ
Дэлхийн газрын тосны нийлүүлэлтийн чухал суваг Ормузын хоолойг хаана гэх Иран сүрдүүлэг нефтийн үнийг сүүлийн 5 сарын хамгийн дээд түвшинд хүргээд буй. Дэлхийн газрын тосны нийлүүлэлтэд хомстол үүсгэж, араасаа үнийн өсөлт, инфляц, эдийн засгийн хямрал дагуулж мэдэх Ираны сүрдүүлэг ноцтой үр дагавар үүсгэх эрсдэлтэй байна. АНУ-ын төрийн нарийн бичгийн дарга Марк Рубио (2025.06.23) Ираны сүрдүүлгийг зогсоохыг Хятадад уриаллаа.
ОРМУЗЫН ХООЛОЙ ХААГДВАЛ... МОНГОЛД БОЛОН ДЭЛХИЙД ХЭРХЭН НӨЛӨӨЛӨХ ВЭ?
Хэрэв АНУ-ын дайралтын хариу болгож Иран Ормузын хоолойг хаасан тохиолдолд дэлхий даяар газрын тосны нийлүүлэлт тасалдаж, үнэ өснө. Үүнийг дагаад дэлхий даяар инфляци, үнийн өсөлт үргэлжилж эдийн засгийн өсөлт саарна. Энэ байдалд манай улсад ч нөлөөлөнө. Учир нь дэлхий даяар газрын тосны үнэ өсвөл ОХУ-ын Роснефть зэрэг нийлүүлэгчид ч шатахууны үнээ нэмнэ гэсэн үг. Хэрэв Роснефть шатахууны үнээ өсгөвөл монголд бүх төрлийн барааны үнэ өсөж, иргэдийн амжиргаа муудна. Мөн гадаадын хөрөнгө оруулалт багасаж, валютын ханш савлана. Хэрэв газрын тосны тодорхой хэмжээг ОПЕК-оос импортолдог Хятадын эдийн засаг цохилтод орвол Монголын нүүрсний экспорт ч одоо байгаагаас ч агшиж магадгүй.
ИРАНЫ ПУУЖИН БЕЭР-ШИВА ХОТЫН ЭМНЭЛГИЙГ ОНИЛОВ
Ираны пуужингийн довтолгоонд (2025.06.19) Израилын хэд хэдэн хот өртжээ. Times of Israel сонинд дурдсанаар Ираны довтолгоонд Тель-Авив, Рамат-Ган, Холон болон Беэр-Шева зэрэг хотууд өртсөн бөгөөд тус халдлагын улмаас Беэр-Шева хот дахь хамгийн том эмнэлэг сүйджээ.
Э.МАКРОН: ИЗРАИЛ ИРАНЫ ХООРОНД ГАЛ ЗОГСООХ САНАЛ ГАРГАСАН
Францын Ерөнхийлөгч Эммануэль Макрон Канадад болж буй “Их долоогийн бүлгийн” уулзалтад оролцож байна. “Их долоогийн бүлгийн” удирдагчид Израил Ираны мөргөлдөөнийг нэн даруй зогсоох асуудлыг нухацтай хэлэлцэж байна хэмээн Эммануэль Макрон онцолжээ.
Д.ТРАМП ТЕГЕРАНЫ 10 САЯ ОРШИН СУУГЧИЙГ НҮҮЛГЭН ШИЛЖҮҮЛЭХИЙГ ЗӨВЛӨВ
Израил Ираны мөргөлдөөн 5 дахь өдөртөө үргэлжилж байна. Ираны эрүүл мэндийн яамны мэдээлснээр баасан гарагаас хойш Израилын пуужингийн довтолгоонд өртөж амь насаа алдсан хүмүүсийн тоо 225-д хүрсэн гэв. АНУ-ын хувьд Израил Ираны дайнд оролцохгүй гэж албан ёсоор мэдэгдээд байна. АНУ-ын Ерөнхийлөгч Дональд Трампын хувьд Ойрхи Дорнодын нөхцөл байдал ширүүсэж байгаа учраас Канадад болж буй “Их долоогийн уулзалтаа богиносгож байна” гэж CNN мэдээлжээ. Тэрээр Ираны нийслэл Тегеранаас 10 орчим сая оршин суугчдын нүүлгэн шилжүүлэхийг зөвлөөд байна.
ИРАН ИЗРАИЛЫН МӨРГӨЛДӨӨН 4 ДЭХ ӨДРӨӨ ҮРГЭЛЖИЛЖ БАЙНА
Иран Израилын мөргөлдөөн 4 дэх өдрөө үргэлжилж байна. Израил болон Ираны талууд харилцан агаарын довтолгоо хийж буй бөгөөд хохирогчдын тоо нэмэгдсээр байна. Иранд баасан гарагаас хойш амиа алдсан хүмүүсийн тоо 220-д хүрсэн бол Израилын талаас 19 хүн амиа алджээ.
ХАМАС-ЫН УДИРДАГЧ МОХАММЕД СИНВАРЫН ЦОГЦОС ОЛДОВ
Израилын арми ХАМАС бүлэглэлийн удирдагч Мохаммед Синварын цогцсыг олсон бөгөөд ДНХ-ийн шинжилгээгээр баталгаажуулснаа мэдэгдлээ. Мохаммед Синварын цогцсыг Хан Юнис хотын Европ эмнэлгийн хонгилоос олсон бөгөөд түүнд холбогдох хэд хэдэн ноцтой баримтууд илэрсэн гэж Израилын Батлан хамгаалах хүчин мэдэгдсэн байна.