УДЭТ хэмээх ариун сүмээс хэдэн зуугаараа авъяаслаг жүжигчид уран бүтээлчид төрсөн гардаг ч урлагийн сургууль төгссөн хүн бүр энэхүү театрт  орох боломжгүй босго өндөртэй гэдэг. Тэгвэл өнөөдрөөс эхлэн УДЭТ-ын хамт олон залуу уран бүтээлчдээр цус сэлбэхээр болжээ.   Тодруулбал, УДЭТ-ын залуу халааг бэлтгэдэг Хүүхэд залуучуудын хөгжимт драмын студид жүжигчин шалгаруулж авах юм байна. Жүжигчин мэргэжлээр төгссөн бөгөөд энэ жил төгсөх 25-аас  доош насны залуусыг бүртгэх аж.   Бүртгэл  өнөөдөр  буюу энэ сарын 17-24-ний өдрүүдэд үргэлжлэх бөгөөд  шалгаруулалт энэ сарын 26, 27-нд болох юм байна. Эхний шатанд оролцогчид бүжиглэж, дуулж шалгуулах бол дараагийн шатанд монолог уншиж, жүжгийн хэсгээс тоглох аж.   Э.Сувд