-Таны бүтээсэн дүрүүдээс “Сумын цагдаа” их сайхан дотно санагддаг. Кино хийх бодол бий юу? -Заанаа: Кино хийхгүй ээ. Амьдралаас төрж гарсан л сэдэв.  Би сумын цагдаагийн гэрт  очиж үзсэн. Тухайн үед сумын цагдаа  хэрэгтнээ саатуулах газар байхгүй.  Сэжигтнүүдтэйгээ  хоолоо хувааж идээд, шөнө унтахдаа хувь заяандаа найдаад унтчихдаг гэж ярьдаг юм билээ. Ямар сайндаа л байцаалтад орохоосоо өмнө махаа хэрчсэн үү гэж асууж байхав цагдаа нь . /инээв/ Энэ бол амьдралын бодит сэдэв.  “Хайр харуусал" гээд уран сайхны кинонд их өөр дүр бүтээсэн. Тэгэхээр  хошин урлагаас өөр дүр бүтээх хэцүү байв уу? -Заанаа: Жүжигчин хүн аль ч жанрт тоглодог байх ёстой. Бүх дүрд хувирах чадвартай байх хэрэгтэй л дээ. -Яг одоо бирд гарч ирээд ганц хүслийг чинь биелүүлье гэвэл та хоёр юу хүсэх вэ? Заанаа: Эрүүл байх. Өвчингүй байх. Амбий: Би хувьдаа агуу юм хийх гээд байгаа биш. Эрхээ мэддэг. Үүргээ биелүүлдэг. Эвтэй бай. Нэгнийгээ дэмждэг байх хэрэгтэй. Ийм л зүйл хүснэ дээ. -Намд элссэн үү? Заанаа: Нам бус.  Төрд ажиллаж буй хүмүүсээс Х.Тэмүүжин гишүүнийг дэмждэг. Бодлого нь зөв. Аль нутгийн хүүхдүүд вэ? Заанаа: Увс аймгийн харьяат. Би өөрөө Увс аймгийн Улаангом хотод төрсөн. Манайх  намайг зургадугаар ангид сурч байхад Увс аймагт нүүж очсон. Би тэнд  аравдугаар ангиа төгссөн л дөө.