Гадаад харилцааны яамны Төрийн нарийн бичгийн дарга Б.Батхишиг  Бүгд Найрамдах Белорусс Улсаас Монгол Улсад суугаа Онц бөгөөд Бүрэн эрхт Элчин сайд Виктор Буряг өчигдөр Гадаад харилцааны яаманд  хүлээн авч уулзжээ. Уулзалтын үеэр Монгол, Белоруссын харилцааг идэвхжүүлэх арга замын талаар санал солилцож, хөдөө аж ахуй, уул уурхай, боловсрол зэрэг олон салбарт уламжлалт харилцааг сэргээн хөгжүүлэх нөөц боломжийн талаар ярилцсан байна. Белоруссаас хөдөө аж ахуй, уул уурхайн машин техник авах, зам, геологийн инженер, техникийн мэргэжлээр Беларусийн их дээд сургуульд, оюутан сургах зэргээр хамтын ажиллагааг идэвхжүүлэх нь зүйтэй гэж үзжээ. Д.Цэцэг