
Монгол Улсын Ерөнхийлөгч Ц.Элбэгдорж өнөөдөр УИХ, НИТХ-ын сонгуулийн бэлтгэл ажлын явцтай танилцаж, Улсын бүртгэлийн газар болон Сонгуулийн ерөнхий хороонд ажиллав.
Улсын бүртгэлийн ерөнхий газрын дарга Л.Амарсанаагийн хэлснээр “Сонгууль иргэний үнэмлэхээр явах тул пластик үнэмлэхээ гээсэн болон шинээр авах 64 мянган иргэнийг цахим үнэмлэхжүүлэхээр болсон. Эдгээр иргэдийн цахим үнэмлэхийг сонгуулийн өмнө хэвлэж бүрэн дууссан байх болно.
Одоо төлөвлөгөөний дагуу ажил явж байна” гэсэн юм. Энэ хариултыг сонссон Ерөнхийлөгч Ц.Элбэгдорж “Иргэний үнэмлэхгүй иргэдийн бичиг баримтыг яаралтай гаргаж өгч, иргэдийн санал өгөх эрхийг заавал олгох ёстой. Ажлаа яаравчлаарай” гэв.
Үүний дараа Ерөнхийлөгчийн ажлын албаныхан Сонгуулийн ерөнхий хорооны ажилтай танилцлаа. Тус газрынхан “2012 оны сонгууль будлиангүй явуулах бүрэн боломжтой. Учир нь сонгогчид санал өгөхдөө хурууны хээгээр нэг удаа л саналаа өгөх эрхтэй болсон” гэв.
У.Жигүүр
СЭТГЭГДЭЛ БИЧИХ