Америкийн нэртэй кантри дуучин Жессика Симпсон хувийн амьдралынхаа бүтэлгүйтлийн бурууг том хөхөндөө тохжээ. “Үнэндээ том хөхтэй байлаа гээд би жаргалтай болсонгүй. Харин ч бүр төвөг удсан. Зарим эмэгтэйчүүд хөхөө томруулаад, азтай гэрлэж, амжилт олсон нь бий. Харин би хувьдаа олны анхаарлыг татахааргүй төрсөн бол илүү амжилттай явах байсан болов уу гэж боддог юм. Тиймээс “хөөрхөн төрөх биш жаргалтай төр” гэдэг үгийг их үнэн гэж үздэг. Олон хүн миний дүр төрхөнд атаархдаг. Гэтэл би ийм царай зүстэй, бие галбиртай төрөөгүй бол хамаагүй жаргалтай байх байсан” гэж Холливудын Барби хэмээх хочтой Жессика Симпсон ярьжээ.

Р.Гэгээ