Дэлхийн дээвэр ноён оргил Эверестэд авиралт хийхээр эх орноосоо мордсон “Хөх тэнгэр” багийнхан энэ сарын 17-ны өдөр бидэнд аялалын мэдээллээ дуулгалаа. Тэд 5-р сарын 17-ны өдөр 7100 метрт байрлах кемп-3-аас мэндчилсэн юм. “Хөх тэнгэр” багийнхан хэлэхдээ: Бид цуцатлаа авирдаг ард хоцорлоо. Энд нэмэлт хүчилтөрөгчтэй хоноод маргааш буюу 18-ны өдөр 8000 метрт байрлах кемп-4 хүртэл мөсөн хананы урт авиралт хийнэ. Тэндээс 18-ныхаа орой 21:00 цагийн үед оргил өөд авирна. Шөнөжин авирч өглөө нар мандах үеэр Эверестийн 8850 метрийн өндөр оргилд гарч Алтан соёмбот далбаагаа мандуулна. Багийн гишүүдийн биеийн байдал сайн байна гэсэн юм. А.Алт