Өнгөрсөн даваа гарагт Пуханг хотноо гадаад иргэдийн дунд зохион байгуулагдсан 11 дэх удаагийн дууны тэмцээнд 22 настай Монгол оюутан н.Од түрүүлжээ. Тэрээр Пухангхотын Соллин дээд сургуулийн үсчин гоо сайхны ангид сурдаг аж. Уг тэмцээнд тус хотод амьдардаг гадаадын оюутнууд болон гадаад бэрүүд, гэрээгээр ажилладаг гээд орон орны хүмүүсээс 10 баг оролцжээ. н. Од энэ удаагийн тэмцээнд Дунгбангшинги хамтлагийнЖүмүн хэмээх дууг дуулж оролцон тэргүүн байрыг эзэлсэн байна. Тэрээр Дунгбангшинги хамтлагийнхантай адилхан хувцаслан тэдний бүжгийг дууриан чадварлаг бүжиглэж байжээ.