Иргэдийн  тав тухтай орчинд амьдрах нөхцөлийг бүрдүүлэх, гэр хорооллыг орон сууцжуулах хүрээнд  Чингэлтэй дүүргийн 9,10-р хороо, 7-р хороолол орчмыг төвлөрсөн дулаанд холбох ажлыг  өнгөрөгч амралтын өдрөөс эхлүүллээ.

Дээрх ажил хийгдсэнээр Чингэлтэй дүүргийн 39-р сургууль, 124-р цэцэрлэг, шинээр баригдах спорт цогцолбор, амины орон сууц, аж ахуйн нэгжүүдийн барилгууд, 7 дугаар хороолол, Дэнжийн мянгын ерөнхий төлөвлөгөөний дагуу шинээр баригдах нийтийн орон сууцнууд төвлөрсөн дулаанд холбогдох юм байна.

Түүнчлэн халаалтын улиралд хоёр мянган тонн түүхий нүүрс шатааж агаар бохирдуулдаг дунд хүчин чадлын 10 гаруй нам даралтын зуух, ердийн галлагаатай 200 гаруй халаалтын зуухыг зогсоосноор агаарын бохирдлын бууруулахад ихээхэн ач холбогдолтой аж. Байгаль орчны яамны “Цэвэр агаар”сангийн 3,1 тэрбум төгрөгийн санхүүжилтээр хийгдэж байгаа энэ ажил ирэх 9-р сард ашиглалтад орох юм байна.

Н.Түвшин