Нийслэл хотын иргэдийг бухимдуулсан асуудлуудын нэг нь яах аргагүй автозамын түгжрэл.  Замын түгжрэл ихэнхдээ хөдөлгөөнд соёлгүй оролцдог жолооч нараас үүдэлтэй гэдэг.  Замын түгжрэлийг арилгахын тулд холбогдох албаныхан ачаалал ихтэй газруудыг камержуулж, зөрчил гаргасан жолоочид хариуцлага тооцож буй. Гэвч замын түгжрэл үүсэхэд жолоочоос  гадна зорчигч нар ч буруутай.  Мөн ухамсар муутай зарим иргэдийн хувиа бодсон үйлдэл ч үүнд нөлөөлдөг.   Тухайлбал, Сүхбаатар дүүргийн 11 дүгээр хороонд байрлах ИБМУТ-ын ойролцоо барилгын материал худалдаалдаг иргэдийн үйл ажиллагаа өрнөдөг билээ. Тиймдээ ч “100 айл” орчмоор өглөөнөөс үдшийн бүрий хүртэл замын ачаалал багасдаггүй. Харамсалтай нь худалдаа үйлчилгээ эрхэлдэг зарим иргэний үйлдэл замын ачаалалд нөлөөлж буйн тод жишээг харуулж байна.     П.Наран