Дорнод аймгийн Баяндун сумын нутаг дэвсгэрт гарсан ой хээрийн түймрийг унтраахаар ажиллаж байсан ОБЕГ-ын гурван аврагч амь насаа алдаж, хоёр нь 75-90 хувийн түлэгдсэн  харамсалтай хэрэг энэ сарын 8-нд гарсан  билээ. Гурван аврагчийн амийг авч одсон уг түймрээс 90 хувийн түлэгдэлттэй Г.Багабиш, 75 хувийн түлэгдэлттэй дэд ахлагч А.Болорсүх нар амьд үлдсэн юм.   Тэднийг МИ-8 нисдэг тэргээр нийслэл хотод авчран ГССҮТ-д эмчилж байсан  боловч Г.Багабиш өнөөдөр өглөө нас баржээ. Тэрбээр Онцгой байдлын салбарт 23 жил ажилласан, хашир туршлагатай албан хаагч бөгөөд салхины эрч өөрчлөгдөж, гал нөмрөх үед хамт ажиллаж байсан дэд ахлагч А.Болорсүхийг өөрийн дор хийн газар унаж амийг нь аварсан ачтан аж.   Харин одоо эмчлүүлж буй дэд ахлагч, 24 настай А.Болорсүх нь Онцгой байдлын салбарт дөрвөн жил ажилласан бөгөөд түүний дөрвөн мөч, нүүр нь түлэгдсэн юм байна.   П.Наран