Төв аймгийн Сум дундын II шүүхийн шүүгч Д.Оюунжаргалд холбогдох  эрүүгийн  хэргийг Хан-Уул дүүргийн шүүхэд хэлэлцэх тов гарсан боловч тодорхойгүй шалтгаанаар хойшиллоо.

Шүүгдэгч Д. Оюунжаргал нь  хэрэгт холбогдсон Б.Дарханбаатар, Б.Болд-Эрдэнэ, Я.Алтан-Од, О.Ганбаатар нарт авсан таслан сэргийлэх арга хэмжээг өөрчлүүлнэ, эрүүгийн хэргийг нь тэдэнд ашигтай шийдвэрлүүлж өгнө хэмээн ар гэрийнхнээс нь 2.9 сая төгрөг залилан авсан хэрэгт яллагдагчаар татагдсан юм. Түүнээс гадна  Баянгол дүүргийн шүүхээр шийдвэрлэсэн Ш.Батмөнхийн хэргийг шүүгдэгчид ашигтайгаар шийдвэрлүүлнэ гэж түүний эхнэр Ц.Отгонсүрэнгээс 10 сая төгрөг авсан хэрэгт холбогдсон юм байна.

Уг хэргийн шүүх хурал өмнө нь нэг удаа хойшилж байсан юм.

Н.Бүжин