"Тэндоү" төв мэлмий нээх ёслолыг зохион байгуулах гэж байна. Мэлмий нээх ёслол нь хүний амьдралын утга учир, эрдэнэт хүмүүний биеийг олж төрсний эрхэм зорилгыг таниулах хүн төрөлхтний нууц юм. Хүн өөрийгөө олох, зам мөрөө сонгоход зөвхөн амин хувийн эрх ашгийн төлөө байх нь тухайн хүн хөгжин дэвшиж гэгээрэлд хүрч чадахгүй билээ. Хүний дотоод сэтгэл харанхуй байгаа нөхцөлд гадна тал гэрэлтэнэ гэж үгүй. Тэрхүү агуу гэрэл гэгээг 4 зүг, 8 зовхист цацраах таны билгийн нүд нээгдсэнээр өнгөрсөн 9 үед хийсэн гэм нүгэл болон ирээдүйн 9 үед хийж болох гэм нүглийг ариусган цэвэрлэснээр  ажил үйлсээ даатган, ар гэрийн ноён нурууг тэгшитгэн засах төдийгүй асар их буяныг хураадаг байна. Хүн амьдралдаа ганцхан удаа л оюуны мэлмийгээ нээх эрхтэй байдаг бөгөөд  энэхүү ёслол нь таны өвөг дээдэс, эцэг эхийн бүтээсэн ач буян, өөрийн тань энэрэнгүй сэтгэлийн үр төдийгүй энэ яваа насанд тань ховорхон тохиох ариун үйл юм. Тиймээс энэхүү ёслолд оролцсон хүмүүс, хүмүүний амьдралын мөн чанар, хүн болж төрсний жинхэнэ  утга учрыг ойлгож, гайхамшигт гурван эрдэнийн нууцыг танин мэдэх, оюуны мэлмийгээ нээлгэх боломжтой аж. Дашрамд дурдахад тус төв нь үйл ажиллагаагаа эхэлснээс хойш 1000 гаруй хүний оюуны мэлмийг нээгээд байгаа аж. С.Соёл