"Эх орны хишиг" нэг сая төгрөг болон 1072 ширхэг хувьцааг иргэдэд хэсэгчлэн тараах Засгийн газрын тогтоол гарсан билээ. Ингэхдээ нэг сая төгрөгийг эхний ээлжинд хөгжлийн бэрхшээлтэй болон өндөр настай иргэдэд олгохоор болсон. Энэ дагуу өчигдрөөс эхлэн нийслэлийн зургаан дүүрэгт нэгэн зэрэг олгож  эхэлсэн бол  өнөөдрөөс нийслэлийн  алслагдсан дүүрэг болох Багануур, Налайх, Багахангай дүүргийн иргэд эх орны хувь хишгээ авч эхлэх юм байна. Энэ оны Хүний хөгжил сангийн төсөвт  ахмад настан хөгжлийн бэрхшээлтэй иргэдийн  тоог 334,2 мянган хүнээр тооцож төлөвлөж байсан аж. Гэвч одоогийн байдлаар 287,7 мянган ахмад настан, хөгжлийн бэрхшээлтэй иргэд сая төгрөгөө бэлэн мөнгөөр авах хүсэлтээ гаргасан байна. Н.Түвшин