“Coaltrans Mongolia” олон улсын  чуулга уулзалт энэ сарын 23-24-ны өдрүүдэд үргэлжилж байна. Чуулганыг хоёр дахь жилдээ “Коалтранс Конфренсес” компани  зохион байгуулж байгаа бөгөөд гадаад, дотоодын 30 гаруй төлөөлөгч оролцож байгаа аж. Энэ үеэр Монгол Улсын нүүрсний зах зээлийн талаархи сүүлийн үеийн мэдээ, мэдээллийг солилцоод зогсохгүй, дэлхийн нүүрсний зах зээлд эзлэх байр сууриа тодорхойлох юм байна. Энэ үеэр “Эрдэнэс Тавантолгой” ХК-ийн үйл ажиллагаа хариуцсан захирал Граем Ханкок Тавантолгойг олон улсын зах зээлд танилцуулсан бөгөөд Баруун, Зүүн цанхийн үйл ажиллагааны талаар илтгэлдээ дурьдсан. Тухайлбал, Зүүн Цанхи жилд ойролцоогоор 20 сая тонн түүхий нүүрс олборлохоор зорьж байгаа аж. Түүнээс 13-15 сая тонн борлуулах нүүрс олборлох зорилт тавьсан байна.Харин өнөөдрийн хурлаар төмөр замын асуудал болон дэд бүтцийг хөгжүүлэхэд санхүүгийн хамтрагчийг бий болгох зэрэг сэдвээр илтгэл тавьж, хэлэлцүүлэг өрнүүлэх аж. У.Жигүүр