Өнөөдөр "Эх дэлхийн цэвэрлэгээнд нэгдэе" арга хэмжээ болно. Энэхүү арга хэмжээг Байгаль орчны яам, Монголын худалдаа, аж үйлдвэрийн танхим, Нийслэлийн захирагчийн ажлын алба "Залуусын хөгжлийн гүүр" төрийн бус байгууллага хамтран зохион байгуулж байгаа юм. Орчны бохирдлыг бууруулах, иргэдийн амьдрах орчинг сайжруулахад иргэд, олон нийтийн сайн дурын байгууллагын оролцоог нэмэгдүүлж, байгаль орчноо хайрлан хамгаалахад уг арга хэмжээний зорилго оршиж байгаа аж. Дэлхийн 100 гаруй оронд нэгэн зэрэг болдог “Эх дэлхийн цэвэрлэгээ”-нд энэ жилээс манай улс нэгджээ.   Д.Цэцэг