Гадаад худалдааг хөнгөвчлөх Цахим нэг цонхны системийг хэрэгжүүлэх ажлын хүрээнд Монгол улс дахь Германы Олон Улсын Хамтын Ажиллагааны Нийгэмлэг (GIZ)-ийн Бүс Нутгийн Эдийн Засгийн Хамтын Ажиллагаа, Ази дахь Интеграчлал Хөтөлбөр, Монгол Улсын Сангийн яам болон Гаалийн Ерөнхий газар, Монголын Үндэсний Худалдаа Аж Үйлдвэрийн Танхимтай хамтран тээвэрлэлтийг хөнгөвчлөх, Үндэсний Цахим нэг Цонхны хөтөлбөрийг хэрэгжүүлэх ажлын хүрээнд холбогдох байгууллагуудын асуудал хариуцсан удирдах ба гүйцэтгэх албан тушаалтнуудад зориулсан 4 өдрийн сургалт боллоо. Уг хэлэлцүүлгийн гол зорилго нь холбогдох байгууллагуудын тухайн асуудал хариуцсан удирдах ба гүйцэтгэх албан тушаалтнуудтай дээр дурьдсан асуудлын хүрээнд санал бодол солилцох, нэгдсэн ойлголтонд хүрэх улмаар нэн тэргүүнд авч хэрэгжүүлэх шаардлагатай байгаа арга хэмжээ, асуудлуудыг тодорхойлсноор Монгол улс дахь GIZ  буюу ГОУХАН-ийн хөтөлбөрийн чадавхийг бэхжүүлэх чиглэлийн хүрээнд цаашид хэрхэн хамтран ажиллах асуудлыг тодорхойлоход чиглэсэн. Тус хэлэлцүүлэг сургалтыг GIZ хөтөлбөрөөс санхүүжүүлэн явуулсан бөгөөд Германы талын экспертүүд болон Монголын талын оролцогч байгууллагуудын удирдлагууд хамтран удирдан явуулсан.  5 сарын 22-ны өдрийн 9-14 цагийн хооронд Улаанбаатар хотод болсон хэлэлцүүлэгт ЦНЦ-ны Удирдах хорооны гишүүд болон дээд шатны удирдлагууд оролцсон. ГЕГ –аас дэд дарга Д.Оюунчимэг, статистик дүн шинжилгээний хэлтсийн дарга  Ц.Оюунбилэг, Гаалийн төв лабораторийн дарга Н.Цолмон, Санхүү эдийн засаг хөрөнгө оруулалтын хэлтсийн дарга М.Өлзийбат, Цахим нэг цонхны ажлын албаны дарга Б.Цог, Эрх зүйн албанаас  ГУБ Н.Гэрэлмаа, Гаалийн бодлого стратеги төлөвлөлтийн газраас ГУБ Алтантуяа, Гаалийн гадаад хамтын ажилллагааны хэлтсээс ГУБ Б.Мандухай, ЦНЦАА-аас ГУБ Г.Алтантуяа, С.Ганцоож нар оролцсон. 2012 оны 23-24-ны өдрүүдэд Хустайн нуруу жуулчны баазад 2 өдрийн сургалт явуулсан. 2012 оны 5 сарын 25-ны  өдөр 14-18 цагийн хооронд Улаанбаатар хотод холбогдох хувийн хэвшил, холбоод төрийн бус байгууллагуудын асуудал хариуцсан төлөөлөгчдөд зориулсан хэлэлцүүлэгт Улаанбаатар хотын гаалийн газраас Н.Энхбат, Х.Цэцгээ, Даваажав, Бямбагарав, Цэвээндарь нар ГЕГ-аас Б.Цог, Г.Алтантуяа тус тус нар оролцжээ. У.Жигүүр