-Залуу хүн цаашид юунд тэмүүлж, зорьж байна вэ? -Мэргэжлийнхээ дагуу гүнзгийрүүлэн суралцаж байгаа. Үүний дараа дараа дараагийн зүйлс тодорхой болно. -Монголдоо очихоор тэнд дахиад нэг очих юмсан гэсэн бодол төрдөг үү? -Тийм газар байхгүй. Би Ховдын хүн. Хөдөө явах болгондоо өргөн уудам тал нутагтаа сэтгэл алдардаг. Тийм гоё тэнүүн талдаа л очих юмсан гэж хааяа боддог. -Хүнд амжилт авч ирдэг, сүсэглэдэг зүйл байдаг. Таны хувьд юу байдаг вэ? -Өөртөө л итгэдэг. Сая бэлтгэл хийж байгаад ирсэн. Одоо буцаж очих хэрэгтэй байна. -Мэргэжлийн өвчин байдаг уу? -Хүмүүс өвчнөө мэддэггүй. Хөндлөнгийн хүмүүс л хэлэх байх. -Яг хэдэн наснаас эхлэн балетаар хичээллэхэд тохирох вэ? -Янз бүр л байдаг дээ. Орост нэг өөр, Японд нэг өөр, АНУ-д нэг өөр. Гэхдээ хүүхдүүд аливаа нэг урлагаар хичээллэхийн тэр урлагийнхаа талаар мэдээлэлтэй байх хэрэгтэй. Балетийн хувьд эхлээд зааланд орж үзэхээс л эхэлнэ шүү дээ. Тиймээс 5-6 нас л хамгийн тохиромжтой. -Таны бүтээсэн дүрүүдээс хамгийн хэцүү дүрийг нэрлэвэл? -Бүх л дүрүүд хэцүү. Сайн бэлтгэл сургуулилттай байхад том дүр ч амар. Харин бэлтгэлгүй байхад жижиг дүр ч хэцүү санагдах үе бий.